Kuch samay se Samsung Galaxy A10, jo ki February mein launch hua tha, ke upgraded version Galaxy A10s ke launch hone ki khabarein saamne aa rahi hai aur maana jaa raha hai ki is phone mein aapko achhe updates milenge. Lekin aaj ek popular publication ke through saamne aayi reports mein is upcoming smartphone ka price bhi leak ho chuka hai.Is upcoming handset Galaxy A10s ka price 7,990 INR hoga. Is handset ke specs bhi leak ho chuke hain aur ismein aapko rear mounted fingerprint scanner bhi diya jayega, jo ki Galaxy A10 mein nahin hai. Galaxy A10 ko company ne 8,490 INR ke price par launch kiya tha aur abhi iski kimat kam hokar 7,990 INR hi ho gayi hai.
Reports ke according, upcoming phone Galaxy A10s mein 6.2 inch ki HD+ display hogi aur ye MediaTek Helio P22 chipset ke saath aa sakta hai. Iske alawa aapko ismein 2GB ki RAM aur 16GB ki inbuilt storage milegi. Saath hi Galaxy A10s mein dual rear cameras aane ki khabarein saamne aa rahi hain, jabki Galaxy A10 ko single rear camera ke saath launch kiya gaya tha. Is handset mein aapko 13MP primary sensor ke saath 2 MP ka depth sensor mil sakta hai.
Iske alawa reports ye kehti hain ki Galaxy A10 ke 5 MP ke selfie camera ke mukaable, A10s mein 8 MP ka front camera hoga. Saath hi aapko yahaan badi battery bhi mil sakti hai. Bataaya jaa raha hai ki Galaxy A10s mein 4000mAh ki battery hogi, jabki A10 mein kewal 3400mAh ki battery hai.
Ye mobile Realme C2 ko kadi Takkar de sakta hai kyonki Realme C2 bhi esi price segment me aata hai ab dekhte kaunsa mobile baji marta.
Dostoo milte hai fir agale new blog me Love You……
